Een middag laat sit drie vriende en redekawel oor hulle lewens en wat hulle
bereik het. Dit was Hercules, Sneeuwitjie en Don Juan.

Sonder om te skroom sê Hercules dat hy beslis die sterkste man in die wereld
is.

"Dit mag dalk waar wees", sê Sneeuwitjie, "Maar ek is beter want ek is die
mooiste in die land."

Don Juan lag vir hulle albei en sê hy moet die beste van almal wees want hy
het al met die meeste vrouens geslaap.

Na 'n paar uur se stryery, besluit hulle toe om na 'n Ghoeroe te gaan wat
die waarheid sal weet.

Eers gaan Hercules na die Ghoeroe se grot toe. 'n Paar oomblikke later kom
hy met 'n groot glimlag op sy gesig terug. Die Ghoeroe het toe beaam dat hy
wel die sterkste man in die wreld is en hy is baie selfvoldaan.

Sneeuwitjie kom ook by die grot uit met haar lieflike glimlag: "Dis waar!"
sê sy, Ek IS die mooiste meisie in die wêreld!"

Oomblikke later kom 'n duidelik bedonnerde Don Juan by die grot uitgestorm:
"Wie de moer is Steve Hofmeyr!!!???"