1. Moenie in die see swem nie.
Meer as 99% van alle haai-aanvalle gebeur in groot watermassas, ook bekend
as oseane. Die manier om vas te stel of jy in 'n oseaan is, is om die
water te proe. Dit behoort sout te smaak.

2. Swem saam met vet mense.
Om jou kanse op 'n aanval verder te verklein, vervang hul sonbrandmiddel met
iets wat na gebraaide biefstuk ruik.

3. Moenie in die water gaan sonder 'n mes nie.
Dis sodat jy die swemmer naaste aan jou kan steek as jy 'n haai gewaar.
Sodra hy lekker bloei, swem so vinnig weg as wat jy kan.

4. Moenie paniekerig raak nie.
Bly kalm as 'n haai jou byt. Dit sal nie help dat jy oorleef nie, maar die
mense op die strand sal dit waardeer. Om iemand soos 'n mal mens te hoor
skree en gil, is nie lekker nie.